A letter from July 25th, 2017

Dear FutureMe, السلام عليكم ورحمة الله وبركاته * اتمنى ان تكونى بصحة جيدة يا أنا والا تكونى واراكى الثرى كى تستقبلى تلك الكلمات فعساها لوتقرأينها أن تجدد بك العزم والحياة ... أعلم علم اليقين اننى لأسخر من نفسي حينما أقرأها ذات يوم وأسفه طريقتى ف السرد لكن لا بأس .. فى البداية سيطول الكلام وكثيرا سأذكر نفسي ببعض الواقع الان قبل سرد ما اتمنى ان اجده بعد تلك السنوات والتى جعلتها ثلاث فقط فأنا لست من اصحاب البال الطويل جدا وهذا ما حاولت نفيه لكن لا بأس ... بعد كل الظن ان تلك هى النهاية والتى يحاول البعض بثها فى نفسي لكن أيضا لا بأس .. حاليا اعانى من اضطراب نفسي ووجدانى لا انعم بالثبات ابدا ..دائما ما اجد نفسي تعود للماضى وتفكر به .. *من غير كلاكيع كده * اكيد هتكونى فاكرة مش ناسية انك فسختى خطوبتك الفترة دى تحديدا 4 ف شهر يوليو 7 يعنى .. خليكى فاكرة كل المحبطين وكل الكلام اللى ضايقك .. خليكى فاكرة الشمتانين فيكى متنسيهومش .. مش عاوزاكى غبية زيى كده .. نفسي تتغيري وتعرفى مين اللى بيحبك ومين لا .. عاوزاكى تبقى اقوى ... افتكرى مين كان جنبك ف الاوقات دى وانتى تعبانة نفسيا وجسديا .. افتكرى بكيتى كام مرة لوحدك ومحدش حاسس بيكى .. افتكرى انك ىمنتى وحبيتى حد ميستاهلش وف الاخر انتى لوحدك وبتموتى وبس .. مش هتموتى هتقوى والله واثقة ف ربنا وف حاجة زى دى ... خليكى فاكرة انك رغم كل حاجة امك ناقصاكى وهتفضلى عمرك كله تفتكريها وعنيكى متجفش لما بس تيجى ع بالك ذكرى ليكو ...افتكرى ان الناس اللى سمتيهم اصحاب مش هتلاقيهم الوقتى واراهن ع كده .. هتنضجى ويمكن تكتشفى انك لوحدك افضل واقل ارهاقا للمشاعر ... خلينى اعترف انى مرهقة جدا الفترة دى عمرى ماتمنيت بعثرة المشاعر هباء طول الوقت نفسي ادى مشاعرى كلها لحد بس بس حد اقدر ائتمنه عليها وهعطى كتيير اوى .. اتغابيت وندمانة ندم عمرى دلوقتى بس واثقة ف ربنا انى هقدر اتخطى المحنة دى واجدد اللى جواياوهحافظ ع كل مشاعرى للى يستاهلها وبس ... . أتمنى ان تكونى أيتها ال*رقية* فى احسن حال وان تكونى افضل مما انا عليه الان .. اتمنى ان تنتهى من التخبط النفسي وان تجدى تلك الذات التى مازلتى تبحثين عنها ... هكتب كل آمالى فلعلى اجدها بذلك اليوم محققة ويبعث هذا الامر فى قلبى سرورا -اتمنى انى اكون راضية عن علاقتى بربنا .. منتظمة ف فروضى.. حاسة بقرب منه ... اتمنى اكون عملت عمرة ورزقنى ربنا زيارة بيته .. يااه احساس القرب من ربنا فوق كل الوصف .. يا رب اوصل للنشوى دى .. اتمنى اكون راجعت قرآنى واكون مستمرة فيه .. أتمنى الاقينى مشتركة بعمل خيري لوجه الله واكون فرحانة جدا .. - اتمنى طبعا ميبقاش عندى سمر كورس زى الوقت اللى انا فيه الوقتى واكون معدية صافى وتقديري محترم لان ع ما اظن دى هتكون اخر سنة يا ركاريك * بصوت مون* - اتمنى ميكونش قلبى وجعنى خلال الفترة الجاية دى ع حد عزيز عليا ولا اتفاجئ انى فقدت حد ف الفترة دى .. ياارب احميهوملىمن اى مكروه واجعلنى قبلهم كلهم .. معدتش هقدر استحكل ففد تانى ياارب .. يارب يكون بابا معايا وف ضهرى وف احسن حال ... اخواتى كلهم مبسوطين وفرحانين ... نينة معايا وخالتو ربنا يشفيها .. وعمتو نجلاء وكلهم كلهم يااارب .. كل اللى بحبهم يفضلوا معاياا .. ياارب محسش بوجع بيهم - اتمنى تكونى نضجتى وتكونى مؤهلة *ان لم يكون قد حدث بالفعل * وترتبطى بحد يقدرك ويفهم دماغك ويكون شبهك يا موكوسة .. الحد المجنون اللى هيتحمل جنانك وعتهك .. ياارب الاقيه ياارب ومجربش تجربة فاشلة تانى ياارب -اتمنى تكونى نجحتى ف حاجة من سلسة محاولاتك ف الشغل واللى مصممة انه يكون برا المجال بتاعك * بتفق حاليا مع شلة ثانوى ع مطعم ياارب يكون نجح وتفرحى بيه الوقتى * ويا سلاام لو لقيتنى ف الوقت ده بيزنس وومان صغننة كده .. ياارب اكون لقيت نفسي .. انا عارفانى مش هحس انى عايشة غير لو نجحت ف حاجة .. احساس الفشل اللى مسيطر عليا من يوم ما دخلت الكلية دى مدمرنى وبيدمر علاقاتى ف ياارب انجح ف تحقيق ذاتى ياارب - اتمنى اكون زورت اماكن كتيير .. اكون سافرت مرة لوحدى برا .. مصر اكون لفيت كل المدن اللى عاوزة اروحها وابات هناك لوحدى * شرم .. الغردقة .. السخنة .. اسكندرية .. الاقصر .. اسوان .. مطروح .. الجونة... سهل حشيش * -اتمنى يكون عندى عربية صغننة كده ع ادى واكون عندى مشروعخاص بيا اخيرا اتمنى ده يكون متحقق وتكونى الوقتى مفيش اوفر ثينكنج وتكونى مشهيصة ومبسوطة وتفرحى بالكلام ده ... بحبك يا أنا والله بوساتشى قوبلاتشى ولو كان جنبك حد واتبسطتى فعلا بوسيه قوليله رقية البائسة بتمسى عليك .. اموووواااااه